Се огласи убавата снаа на Сенка Велетанлиќ по нејзината смрт, со посебна приказна
По смртта на легенарната пејачка Сенка Велетанлиќ се огласи нејзината снаа, Наташа Хаџиманов, сопругата на музичарот Васил Хаџиманов.
Препорачано
Во чест на својата свекрва, Наташа Хаџиманов сподели реклама за специјална емисија која Радио-телевизија на Србија ја емитуваше за Сенка, сопругата на легендата Зафир Хаџиманов.
Инаку, Наташа е преубава жена и освен што му е сопруга на Васил Хаџиманов, таа е и негов менаџер.
Велетанлиќ почина на 89-годишна возраст по тешко боледување на 19 јануари во Белград. Тажната вест ја соопшти нејзиниот син, музичарот Васил Хаџиманов, преку објава на Фејсбук.
„Утрово нè напушти мојата мајка Сенка Велетанлиќ по тешка болест. Замина тивко, достоинствено, во сон, како дама, токму како што ѝ прилега. Те сакам, мамо. Ти благодарам, мамо“, напиша Васил.
Неговата ќерка Марта која ја има со сопругата Наташа е исто така успешна опереска и џез пејачка. Таа на Инстаграм се прости од својата баба и сподели лична приказна за неа.
„Мојата преубава, прекрасна баба нè напушти денеска. Бабо моја, многу те сакам. Секогаш ќе го слушам и ќе го паметам твојот трогателен, топол и нежен глас. Никој на светот не е таква модна икона и дама како што беше ти. Ти благодарам што беше мој модел и инспирација и што ми дозволи да ти ја крадам облеката и да ги пробувам твоите чевли кога бев мала. Ми недостигаш, одмори ја својатра добра душа и пеј“, напиша Марта Хаџиманов на Инстаграм.
Зафир Хаџиманов, еден од најзначајните уметници на поранешна Југославија, почина во март 2021 година, а покрај неговиот голем талент, јавноста и денес го памети и по длабоката и искрена љубов што ја имаа со Сенка.
„Првпат се бакнавме на ридот Слобода над градот. Таа беше убава и пееше како сон. Штотуку се развела од пејачот Тихомир Петровиќ. Тиха и јас останавме пријатели до крајот на неговиот живот. Честопати седевме во Камерната сала на Радио Белград, пиевме и зборувавме за сè. Се согласувавме во многу социјални дискусии. Моите, мора да признаам, беа малку изненадени од мојот избор. Мислеа дека сум омилен на женскиот пол и дека ќе завршам со некоја помлада“, раскажал своевремено Зафир за својата Сенка додавајќи дека без оглед на тоа шро неговите не се согласиле, тој одлучуил да го помине животот со неа.
