„Се допишувавме пред 15-20 дена“: Дарко Димитров шокиран по веста за смртта на Лаќа
Синот на Марина Туцаковиќ, Милан Радуловиќ Лаќа (36) е пронајден мртов во Израел, а според информациите, неговото тело било пронајдено на улица. Како што објави „Блиц“, цитирајќи неименуван извор близок до семејството, постои сомнеж дека причина за смртта е предозирање со дрога.
— Милан Радуловић (@RioJaggerr) October 30, 2022
Милан Радуловиќ Лаќа беше професионална слика и прилика на своите познати мајка и татко. Освен како успешен текстописец, Лаќа, како и неговиот татко Александар Радуловиќ – Фута, беше талентиран за продукција и аранжман на песни, а уште од мали нозе ѝ помагаше на мајка си при големите хитови како „Автограм“ на Цеца и „Ајде иди“ и „Сто пута“ на Здравко Чолиќ.
View this post on Instagram
Лаќа активно соработуваше со нашиот познат текстописец, композитор и музички продуцент, Дарко Димитров кој даде изјава за „Блиц.рс“ по големата трагедија:
„Не ми се верува, шокиран сум. Се допишувавме пред 15-20 дена. Пораките беа поврзани со работата. Се договоривме за некои проекти и да направиме фестивал. Преписката беше фокусирана само на тоа, но мене ми се чинеше во ред. Ништо не беше претчувство. Сакаше да работиме и јас се согласив“ – вели Димитров за „Блиц.рс“ и додава:
View this post on Instagram
„Не ми се верува дека бил под дејство на недозволени супстанци. Знам дека Ранио имаше проблеми со тоа, но престана. Додека доаѓаше кај мене и живееше во Македонија, навистина ништо не презеде. Само ако неодамна се врати на тоа, но не можеме да претпоставиме. Ова е страшна трагедија за целото семејство. Какви судбини, не можев ни да замислам дека тоа може да се случи. Имаше големи планови, направивме музика која требаше да ја види светлината на денот деновиве“ – заклучува Дарко за „Блиц“.
Како што потврдија за „Блиц“, Милан Лаќа Радуловиќ е пронајден мртов во Тел Авив, надлежните служби работат на случајот и се чекаат понатамошни постапки за транспортирање на телото.
ФОТО | Твитал и уживал со пријателите: Последните часови од животот на синот на Марина Туцаковиќ
ФОТО | Твитал и уживал со пријателите: Последните часови од животот на синот на Марина Туцаковиќ
