СДСМ: На раскрсница сме, или ќе станеме Бергамо или сите заедно ќе го зауздаме коронавирусот

Сериозното зголемување на бројот на инфицирани со коронавирусот во изминатите денови не донесе до раскрсница, до избор дали нашата држава ќе се претвори во ново Бергамо или сите заедно, со доследно и строго почитување на мерките за заштита и ковид протоколите ќе го зауздаме растот на новоинфицирани со вирусот, за кој се уште нема лек, ниту вакцина, велат од СДСМ.

Оттаму додаваат дека се бориме со невидлив и подмолен непријател, кој им се заканува на сите, никој не е имун, а наше најдобро и најефикасно оружје е носење заштитна маска, шал или марама, држење дистанца и редовна дезинфекција и миење на рацете.

Граѓаните се клучни во борбата против коронавирусот, со почитување на мерките за заштита ќе обезбедиме намалување на бројот на новоинфицирани со коронавирусот. Почитувањето на мерките ќе ги намали притисокот врз здравствениот систем и врз лекарите, медицинските сестри и помошниот здравствен персонал, кои седум месеци пожртвувано ги лекуваат заболените, ќе го намали ризикот од преполнување на болниците, велат од партијата.

Прочитајте и...  Царовска: Посветени сме на зајакнување на стручното образование

Мерките предложени од Комисијата за заразни болести,  кои ќе стапат на сила по законските измени предвидуваат да се носи маска, марама или шал и на отворено, да нема групирање на повеќе од 4 лица на отворено после 22 часот и во домовите да биде дозволено присуство од најмногу четворица гости, покрај членовите на семејството.

Владата предводена од СДСМ веќе им ги зголеми ингеренциите на сите инспекторати, да можат на лице место да изречат забрана за вршење на дејност до 30 дена за правни лица, што не ги почитуваат ковид протоколите.

За наредната недела се предложени нови мерки и  тоа сите економски субјекти да не работат од 23 часот навечер до 5 часот изутрина, забрана за одржување на секакви настани и ограничување на капацитетот на патници во јавниот превоз.

Прочитајте и...  За 10 дена бројот на новозаболени во Европа од Ковид-19 е двојно поголем

Поврзани вести

СДСМ: Ново дефиле на Мицкоски за одбрана на криминалот, ВМРО-ДПМНЕ дејствува опасно по јавното здравје

Слободен печат

Мицкоски на протестот пред Собрание: Вистинско време е  Европа да му даде на овој народ иднина без никакви уцени и условувања

Слободен печат

Во Словенија 1.656 нови случаи на коронавирус – се затвораат рестораните, хотелите, трговските центри

Слободен печат

Кривична пријава за лица кои правеле свадба во Арачиново

Слободен печат

„Ла Кроа”: Софија би можела да истрае во блокирањето на Северна Македонија, но делумно и блефира

Слободен печат

Изречени 915 казни за неносење маски

Слободен печат

Остави Коментар