Изградбата на „Белград на вода“ започна со рушење ноќе во Савамала во центарот на Белград во 2016 година, и до ден-денес не е утврдено кој рушел таа ноќ под маски и со багери, а ни кој ѝ наредил на полицијата да не одговара на повиците од граѓаните таа ноќ. На местото на Савамала никна луксузната населба „Белград на вода“, чиј мнозински сопственик е компанијата „Игл Хилс“, во сопственост на Мохамед Алабар. Тој во интервју за „Инсајдер“ тврди дека „никогаш не слушнал за ова рушење“.

Алабар во претходни интервјуа рече дека нема да работи таму каде што има отпор од локалната заедница, но тврди дека не знае ништо за протестите против „Белград на вода“.

Како што вели за Инсајдер, никогаш не слушнал ниту за нелегално рушење на згради во Савамала со цел да се изгради „Белград на вода“.

„Се што можам да кажам е дека мислам дека секоја влада треба да има свои правила, прописи. Се што знам е дека она што беше таму беше во лоша состојба. Седеа на земја. Некои од нив изгледаа како криминалци. Тоа е се што се сеќавам. Освен ако не сте виделе нешто друго. Тоа е она што го паметам. Всушност, се обидов да им помогнам на некои затоа што мислев дека го зборуваат јазикот. Не го зборував нивниот јазик. Но, тоа е она што го видов. Валкани автобуски станици, загадување. Моравме да го исчистиме подот, земјата поради целата историја. Не знам што имаше таму. Затоа мислам дека треба да ми се заблагодарите што го исчистив местото“, рече тој.

Тој истакнува дека локацијата била „срамна“, дека имало ѓубре и дека било валкано, а кога го прашале дали ова е причината за уривањето на приватниот имот, тој наведува дека не е запознаен со тоа, но дека треба да се прашаат претставниците на српската држава за тоа.

„Се што можам да ви кажам е дека јас го почитувам законот. Се надевам дека тие го почитуваат законот.“

Кога новинарот изјави дека законот не се почитува, тој рече:

„Добро, ако не се почитува. Но, разговарајте со нив, никој не може да го прекрши законот бидејќи не сум експерт за вашите закони. Да бев на ваше место, од она што го видов пред 11 години, требаше да молите некого да дојде. Знаете колку луѓе се обидоа да ја доведат? Сите ви рекоа не. Дали го знаете тоа? Треба да го побарате. Сакам да ѝ кажам на јавноста. Толку многу пати Владата ги праша луѓето и никој не сакаше да го допре тоа бидејќи изгледаше толку лошо. А сега, кога е успешно, сега ги поставувате сите тие смешни, смешни прашања.“

Алабар додава дека луѓето се заинтересирани за напредок и верува дека токму тоа го донел во Србија со својот проект.

„Само критика, критика… ако продолжите со критика, ќе се вратите во камено доба“, вели Алабар.

Најскапиот стан во Белград на вода продаден за 1,8 милиони евра, гаража за 56.000 евра