Сузана Турунџиева е многу поврзана со Дени Жерновска, девојка која се движи со помош на количка, а е нејзина поранешна ученичка од основното училиште каде што предаваше музичко.

„Кога мојата ученичка Дени седна во прва клупа и ме праша: ‘Наставничке, дали денеска може јас да танцувам, по не знам кој пат сфатив дека не постои пречка која може да ја спречи и дека таа е најголемата хероина во мојот живот“, напиша Сузана Турунџиева во описот на едно постаро видео.

ѝ
Дени е дел од животот на Турунџиева и по завршувањето на училиштето. Таа е музиклна и сака танц, а Сузана ѝ овозможи да си ги остварува своите соништа.

Младата девојка досега повеќепати има пеено со Атиџе Мутратова, која е блиска пријателка на Сузе.

„Постојат многу видови на танци, ама најмногу ги сакам оние кога танцува срцето. Кога мојата ученичка Дени на часовите по Танци и ора седна во прва клупа и ме праша: ‘Наставничке, дали денеска може јас да танцувам, по незнам кој пат сфатив дека не постои пречка која може да ја спречи и дека таа е најголемата хероина во мојот живот, полна со радост, љубов, хуманост, добрина, човечност и мноогу музика“, напиша Сузана во една прилика.

Во една понова објава на Фејсбук, водителката, пејачка и основач на женскиот хор „Фрида“ повторно ја поддржува Дени велејќи дека ѝ се восхитува на упорноста.

Во објавата на Дени, таа со помош на младите танчари од танцовото студио „Еурека“ е дел од танцов натпревар. „Еурека“ се инаку познати по тоа што често организираат инклузивни танцови настани.

„Ако сонуваш и веруваш, ќе успееш! Сонувам да можам да одам“, стои во објавата на Дени, а Сузана, споделувајќи ја напишала: „Дени. Олицетворение на љубов, убавина и музика! Дај Боже сонот на Дени да стане реалност“.