Русковска разрешена од функцијата јавен обвинител
Поранешната шефица на Обвинителатвото за гонење на организиран криминал и корупција (ОЈО ГОКК), Вилма Русковска повеќе не е јавен обвинител, откако денеска Советот на јавни обвинители едногласно го усвои предлогот на Комисијата за утврдување на дисплинска одговорност за разрешување на обвинителката.
Оваа одлука следува откако против неа и две нејзини колешки беше поведена дисциплинска постапка поради претресот во Управата за финансиска полиција.
На обвинителката Ивана Трајчева и беше изречена мерка намалување на плата за 30 отсто, во траење од шест месеци.
По претресот во Финансиска полиција, тогашниот директор Арафат Муареми поднесе кривична пријава против обвинителките од ОЈО ГОКК, по што шефицата на обвинителството Русковска беше суспендирана од републичкиот јавен обвинител Љубомир Јовески.
Муареми нешто подоцна се повлече од директорската функција во Финансиската полиција, а Русковска, откако ѝ заврши мандатот, повторно се кандидираше за главната функција во ОЈО ГОКК, но загуби во гласањето на обвинителите од целата држава, кои на нејзино место го избраа Ислам Абази.
Русковска и двете колешки дисциплински сослушани за случајот со претресот во Финансиската полиција
Претрес во канцеларијата на директорот на Финансиската полиција, Арафат Муареми