Руските спортисти на Зимските олимписки игри во Милано Кортина нема да можат да ја претставуваат својата земја дури и ако се постигне мировен договор со Украина, изјави претседателката на Меѓународниот олимписки комитет (ИОК) Кирсти Ковентри во интервјуто за италијански весник.

– Во оваа фаза, ништо нема да ја промени одлуката на Комитетот да им дозволи на руските натпреварувачи да учествуваат на февруарските игри само како поединци кои се претставуваат себеси – изјави Ковентри за „Кориере дела Сера“ во интервјуто објавено во петок.

ИОК им забрани на Русија и Белорусија да учествуваат по целосната инвазија на Украина во февруари 2022 година, а ИОК во септември пресуди дека Русите и Белорусите кои се натпреваруваат во Милано Кортина ќе го сторат тоа како индивидуални спортисти, без национално знаме или химна.

Ковентри, првата жена претседател на ИОК, рече дека одржувањето на Олимписките игри во повеќе градови, како што прави Италија, ќе стане „нова нормалност“ и дека игрите во Милано Кортина ќе обезбедат корисни насоки за иднината.

Игрите во Милано-Кортина ќе се одржуваат од 6 до 22 февруари 2026 година.

Russian athletes at the Milano Cortina Winter Olympics will not be able to represent their country even if a peace deal is reached with Ukraine, IOC President Kirsty Coventry says in an Italian newspaper interview https://t.co/ZKGsjPDoVv

— TRT World (@trtworld) January 2, 2026