Руски дрон денеска погоди кола што се движела преку мост во Одеската Област, при што загинала една жена, а нејзините три деца биле повредени, соопшти гувернерот на Одеската област, Олег Кипер.

Жената починала во амбулантно возило, објави „Киев индепендент“.

Трите деца биле пренесени во болница со повреди и со акутна стресна реакција.

Кипер ги повика возачите да го избегнуваат мостот каде што се случил инцидентот, наведувајќи дека Русија го нападнала тој дел дури трипати.

„Ова е уште едно цинично воено злосторство на Русија — напад врз цивили,“ додаде тој.

Руските сили сè почесто користат дронови за напади врз цивили во фронтовските области, особено во Херсон, каде што локалните власти известуваат за речиси секојдневни напади со ФПВ-дронови врз возила и врз пешаци.

Во август руски дрон погоди автобус во Херсонската област, при што загинаа двајца, а деветмина беа повредени.

ВИДЕО | Пожар во рафинеријата за нафта Краснодар предизвикан од остатоци од украински дрон