Руски агенти понудиле 10 000 војници помош на каталонските сепаратисти во 2017, вели истрагата

epa08731062 Protesters demonstrate against the monarchy at Franca railway station in Barcelona, Spain, 09 October 2020, on occasion of the visit of King Felipe VI of Spain and Spanish Prime Minister, Pedro Sanchez. The head of State and Spanish PM are visiting Barcelona to attend the Barcelona New Economic Week awards handover ceremony. EPA-EFE/Alejandro Garcia

Шпанија која деновиве се справува со протести против воведување вонредна состојба, ја тресе и нова афера поврзана со каталонското движење за независност во 2017. под водство на поранешниот каталонски регионален претседател Карлес Пуџдемонт.

Имено истрагата која се води сега покажува дека Руски агенти, или Руска група како ја нарекуваат некои медиуми, им понудила воена помош од 10 000 војници на каталонските сепаратисти во екот на нивниот неуспешен обид да се отцепат од Шпанија во 2017 година. 

Ова се вонредни обвинувања во срцето на истрагата започната од судија во Барселона, кој ги испитува наводните врски помеѓу каталонското движење за независност и руската кампања за дезинформации наменета за дестабилизација на Европа.

Полицијата во средата уапсила 21 осомничен во Барселона по наредба на судијата Хоакин Агире, вклучувајќи тројца мажи кои биле блиски до поранешниот каталонски претседател Карлес Пуџдемонт, кој избега од Шпанија непосредно по неуспешното прогласување независност пред три години.

Во една снимка претставена во судските документи, еден од приведените од полицијата наводно ја споменува понудата на руски агенти да му обезбедат на Пуџдемонт 10.000 војници за помош во можниот вооружен судир со шпанските сили. Понудата никогаш не се реализира.

Неколку часа откако шпанската полиција уапси 21 влијателен каталонски бизнисмен под сомнение за злоупотреба на јавни средства и перење пари, судијата Хоакин Агире изјави дека руска група создадена уште за време на Михаил Горбачов му понудила воена „поддршка“ на поранешниот каталонски регионален претседател Карлес Пуџдемонт, вклучително и пари за исплата на долговите на Каталонија, доколку прогласи независност. Повеќе детали за руската група не беа дадени.

Иако Пуџдемонт прогласи независност на Каталонија во октомври 2017 година, судијата  верува оти руската понуда е одбиена. Обидот за независност, кој според шпанскиот устав се смета за незаконски, доведе до суспензија на автономијата на Каталонија, пресуди за 12 каталонски лидери и Пучдемонт кој избега во Белгија.

„Руското мешање како геополитичка стратегија беше факт за време на есента 2017 година кога (Русите) ширеа лажни вести и дезинформации“, вели судијата Агире во пресудата, повикувајќи се на написи на Интернет, кои ги поддржуваа каталонските сепаратисти ширени од руските новински платформи.

Шпанската влада ја обвини Русија во 2017 година за мешање во каталонскиот конфликт. Руските власти негираа секаква вмешаност во настаните во тоа време.

Истрагата има за цел и наводна злоупотреба на јавни средства за сепаратистичкото движење во Шпанија. Истрагите откриле дека парите наменети за провинциската влада на Барселона и регионалниот субјект за промовирање на спортски екипи биле нелегално пренасочени, се вели во соопштението на шпанската влада по апсењата.

Уапсените се соочуваат со обвиненија за проневера и перење пари.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот