Руска академија на науките: Земјотресот кај полуостровот Камчатка е најсилен од 1952 година
Земјотресот што се случи во раните утрински часови во морската област покрај рускиот полуостров Камчатка во Тихиот Океан – предизвикувајќи итни предупредувања за цунами за рускиот брег и оние на многу други земји што се граничат со тој океан – беше најсилниот регистриран од 1952 година и беше со јачина од 8,7 степени според Рихтеровата скала, според огранокот на геофизичката служба на Руската академија на науките во Камчатка, објавија новинските агенции ТАСС и Ројтерс.
Препорачано
Со оглед на јачината на земјотресот, „треба да очекуваме силни потреси, можеби до 7,5 степени“, соопшти службата преку Телеграм.
Tsunami waves are hitting the Russian coast of Kamchatka, seen here flooding the port of Severo-Kurilsk. pic.twitter.com/5HjHCI5eoz
— OSINTtechnical (@Osinttechnical) July 30, 2025
„Се очекуваат потреси со магнитуда до 7,5 степени да продолжат најмалку еден месец“, нагласи Академијата.
Според американскиот геолошки институт, по главниот земјотрес биле регистрирани најмалку шест силни последователни потреси, вклучувајќи два многу силни, со јачина од 6,9 и 6,3 степени.
На 20 јули, земјотрес со магнитуда од 7,4 степени, проследен со неколку последователни потреси, е регистриран покрај рускиот полуостров, но немаше пријавени сериозни штети или жртви.
Епицентарот на земјотресот е многу блиску до оној на масовниот земјотрес со јачина од 9 степени во ноември 1952 година, кој предизвика разорно цунами што го погоди целиот Пацифик, забележа американскиот геолошки институт.
Тихоокеанската и Северноамериканската тектонска плоча се сечат под полуостровот Камчатка, што значи дека овој регион има една од највисоките сеизмички способности на планетата.
Рускиот полуостров, кој го одделува Ахотското Море од Тихиот Океан, е меѓу „областите најсклони на земјотреси во светот“, како што вели Американскиот геолошки институт.
Исто така, се забележува дека од 1900 година, по должината на овој полуостров се регистрирани седум многу силни земјотреси – со магнитуда еднаква или поголема од 8,3.
