Русија е подготвена да придонесе за решавање на конфликтот во Иран, а претседателот Владимир Путин продолжува да разговара со регионалните лидери за изнаоѓање на решение за конфликтот. Ова го изјави портпаролот на Кремљ, Дмитриј Песков, пренесува Ројтерс.

„Претседателот ги продолжува контактите со лидерите на Блискиот Исток и доколку нашите услуги се некако потребни, ние, секако, сме подготвени да го дадеме нашиот придонес за да се обезбеди воената ситуација што е можно поскоро да премине во мирен тек“, изјави Песков за новинарите.

Песков ја даде изјавата коментирајќи го говорот на Доналд Трамп за војната со Иран и неговите изјави за евентуално повлекување на САД од НАТО.