Руд е човекот кој стои меѓу Надал и 22 грен слем титула

Прво грен слем финале во кариерата за Каспер Руд/Париз, Франција/3 јуни 2022/Фото: EPA-EFE/CHRISTOPHE PETIT TESSON

Норвешкиот тенисер Каспер Руд в недела ќе игра против Рафаел Надал за трофејот на грен слем турнирот „Ролан Гарос“ во Париз, откако во полуфиналето го победи Марин Чилиќ со 3:6, 6:4, 6:2, 6:2.

Во дуелот кој траеше скоро три часа, Норвежанецот го загуби првиот сет, но во следните три прикажа многу подобра игра од Хрватот кој имаше премногу неизнудени грешки.

Руд, кој е осми светски играч, пласманот во финалето на Отвореното првенство на Франција му е најголемиот успех во кариерата, а на „Ролан Гарос“ досега најдобар резултат му беше пласманот во третото коло.

Потсетување дека во првиот полуфинален меч Александер Зверев поради тешка повреда го предаде мечот против Надал.

Рафа е на една победа од својата 22 грен слем титула, моментно има една повеќе од Новак Ѓоковиќ и Рожер Федерер.

Видео на денот