Роналдо во карантин во родната Мадеира
Ѕвездата на Јувентус, Кристијано Роналдо, моментaлно се наоѓа во карантин во родната Мадеира откако неговиот соиграч Даниеле Ругани епозитивен на коронавирус.
Целиот тим на „старата дама“ се наоѓа во изолација во Италија, а само првата ѕвезда на тимот не е во Торино.
Кристијано Роналдо веднаш по минатонеделното дерби помеѓу Јувентус и Интер замина во родната Мадеира за да биде покрај болната мајка Долорес која неодамна доживеа мозочен удар.
Португалецот нема намера да се враќа во Италија иако има дозвола од властите со својот приватен авион да слета во Торино.
Сепак, Роналдо ги известил челниците на екипата дека нема намера да се враќа во Италија се додека не се смири состојбата со епидемијата на коронавирусот, а исто така порача и да бидат суспендирани сите спортски натпреварувања низ целиот свет.
Италијанскиот олимписки комитет и Владата ги суспендираа сите спортски активности во Италија до 3 април.
