Кристијано Роналдо му оддаде големо признание на Новак Ѓоковиќ, нарекувајќи го пример и инспирација за сите генерации.

Новак Ѓоковиќ е добитник на наградата „Globe Soccer Award 2025“, признание што му се доделува на спортист надвор од светот на фудбалот кој остварил „глобално влијание што ги надминува границите на сопствениот спорт“.

Трофејот му го врачи токму Кристијано Роналдо, кој не го криеше восхитот кон српскиот тенисер.

Португалецот зборуваше со многу почит за човекот со 24 грен-слем титули и му упати силен и емотивен комплимент.

„За мене тој е пример, пример за долговечност. Имаме слични животни и спортски приказни. Сметам дека навистина ја заслужува оваа награда, бидејќи е голем узор за оваа генерација, за сите генерации и за оние што допрва доаѓаат“, изјави Роналдо.

Зборовите на еден од најголемите фудбалери на сите времиња дополнително го потврдија статусот на Новак Ѓоковиќ како глобална спортска икона, чијашто важност и влијание далеку ги надминуваат тениските терени.