Ракометниот клуб Вардар продолжува со активностите околу засилување и комплетирање на ростерот, а најново име во редовите на „црвено-црните“ е еден од најталентираните ракометари од својата генерација, 17-годишниот Бојан Поповски.

Поповски ги направи првите ракометни чекори во Преспа, по што се пресели во Алкалоид, каде настапуваше за кадетските и младинските категории. Во тековната сезона беше дел од Мулти Есенс и собираше искуство во сениорскиот ракомет.

Младиот ракометар е стандарден член на кадетската и младинската репрезентација на Македонија, а особено се истакна во квалификациите за кадетското Европско првенство, каде што го заврши турнирот како најдобар стрелец.