Ристовски и Адеми во плеј-офот на ЛШ против Бодо Глимт или Жалгирис
Со жрепка се дознаа паровите од плеј-офот како последна пречка до групите во Лигата на шампионите за сезоната 2022/2023.
Динамо Загреб на македонските репрезентативци Стефан Ристовски и Аријан Адеми кој во второто квалификациско коло го елиминираше Шкупи, доколку во третата рунда го исфрли и бугарскиот Лудогорец, во плеј-офот ќе игра со победникот од пресметката Бодо Глимт (Норвешка) – Жалгирис (Литванија).
Црвена звезда за ривал го има Пјуник на нашиот интернационалец Марјан Радески, и доколку белградските „црвено-црни“ го елиминираат ерменскиот претставник, во плеј-офот ќе играат против Макаби Хаифа од Израел или кипарскиот Аполон.
Првите натпревари од плеј-офот ќе се играат на 16/17 август, а реванш средбите на 23/24 август. Жрепката за групната фаза во ЛШ ќе се одржи на 25 август.
Лига на шампиони 2022/2023
Плеј-оф, двојки –
Карабах/Ференцварош – Шериф Тираспол/Викторија Плзен
Макаби Хаифа/Аполон – Црвена звезда/Пјуник
Бодо Глимт/Жалгирис – Лудогорец/Динамо Загреб
ФК Копенхаген – Трабзонспор
Динамо Киев/Штурм – Бенфика/Митјиланд
Унион Сен Жилоаз/Глазгов Ренџерс – Монако/ПСВ
