Поранешниот македонски репрезентативец Стефан Ристовски пред неколку недели ја разбранува фудбалската јавност во Босна и Херцеговина со своите јавни критики на сметка на судењето по натпреварот меѓу Сараево и Борац Бања Лука, во кој неговиот тим доживеа убедлив пораз од 5-1.

Незадоволството Ристовски го искажа преку социјалните мрежи, каде што по еден натпревар објави:

„Дојбредојдовте во аматерската Премиерлига. Да живее Тито“, а со сличен тон продолжи и подоцна, кога во гостување во спортски подкаст зборуваше за според него лошата арбитража во БиХ.

Тие изјави сега резултираа со дисциплинска санкција од Фудбалската федерација на Босна и Херцеговина. Ристовски е казнет со 1.500 конвертабилни марки, односно околу 750 евра, поради „неосновани и несоодветни изјави“, а изречената казна е должен да ја плати во рок од 15 дена.

Преземено од: Спорт.ком.мк