Ристе Јанков е новиот голман на Брегалница Штип
Официјално Ристе Јанков е најново зимско засилување на фудбалскиот клуб Брегалница од Штип.
Голманот Јанков доаѓа од романското првенство, каде настапуваше за екипата на Поли Јаши.
Во кариерата, чуварот на мрежата уште има настапувано за екипите на Локомотива, Работнички и Каспи Актау од Казахстан.
Јанков има 25 години и е повремен репрезентативец на Македонија.
Брегалница ги започна подготовките за вториот дел од сезоната, покрај тренинзите, веќе одигра и еден контролен меч во кој триумфираше над Силекс со 1:0.
Штипските „сини“ закажаа уште еден тест против клубот од Кратово на 10 февруари, а претходно закажани се пријателски дуели против Детонит, Беласица и Дубочица (Србија).