Тенисерката од Казахстан, Елена Рибакина е во одлична форма, откако стигна до две мастерс полуфиналиња за само неколку недели, прво во Индијан Велс, а потоа во Мајами, САД, каде што вечерва ја победи Џесика Пегула – 2:1 (2:6, 6:3, 6:4).

Второрангираната тенисерка на светската ранг-листа во поединечна конкуренција го загуби првиот сет од мечот откако домашната тенисерка, со два брејка, поведе со 1:0 во сетови за само 35 минути игра.

Следуваше пресврт на Рибакина која поведе со 4:2 во вториот сет што беше вовед во израмнување во сетови.

Во третиот сет, Рибакина направи уште еден брејк (2) и се избори за својот 13 пласман во фазата Топ 4 од натпреварувањето од овој ранг.

Во следната фаза, казахстанската тенисерка ќе игра против победничката од мечот меѓу Арина Сабаленка и Хејли Баптист. Во случај да нема сензација, ќе гледаме реприза од финалниот судир од Индијан Велс.