Со калап за мафини подгответе одлични солени колачиња од тиквички и сирење. Интересно е што во нив нема брашно, само малку презла.
Овие вкусни солени закуски можете да ги послужите како појадок, ужина или вечера, а децата ќе ги сакаат без вообичаениот скептицизам кон зеленчукот. Наместо да ги ставате во калапи за мафини со редовна големина, можете да ги ставите во мини калапи за мафини и потоа ќе добиете преслатки мали солени колачиња кои може да се јадат во еден залак.

Тие се многу практични за консумирање „во движење“, за патување или пикник, а ќе им се допаднат и на децата, кои сепак ќе консумираат зеленчук на овој начин.

Состојки:
1 тиквичка со средна големина
30 гр лебни трошки
30 гр рендан пармезан
30 гр рендан чедар
1 јајце
сол, бибер
Постапка:
1. Загрејте ја рерната на 200 степени. Калапот за мафини премачкајте го со путер.
2. Изрендајте ги тиквичките, посолете ги и оставете ги да отстојат, а потоа исцедете ја течноста што е вишок.
3. Измешајте ги тиквичките со јајцето, презлата и сирењето, па добро зачинете ја смесата со сол и бибер.
4. Со помош на лажица префрлете ја смесата во калапи за мини мафини.
5. Печете 15-20 минути додека не поруменат и не станат крцкави.
6. Послужете веднаш!