Лето е, а пазарите изобилуваат со свеж зеленчук во сите бои и вкусови. Меѓу нив, како омилен зеленчук на македонската трпеза, се издвојуваат пиперките, и тоа во сите варијанти.

Затоа, денеска ви предлагаме рецепт за најубавата летна вечера – похувани пиперки полнети со сирење. Откако ќе ги пробате, постојано ќе ги правите!

Состојки:

– 10 црвени пиперки

– 150 грама ситно сирење

– 1 лажица семе од сусам

– 2 јајца

– 1 чаша (од 200 милилитри) брашно

– 1 шолја презла

Подготовка:

Испечете ги пиперките во рерна и изладете ги во покриен сад. Кога ќе се изладат, излупете ги и извадете ги семките.

Наполнете ги со сирење измешано со сусам.

Јајцата изматете и посолете ги.

Полнетите пиперки валкајте ги во брашното, па во изматените јајца, а потоа во презлата. Пржете ги во длабоко масло, по неколку минути од двете страни додека не поруменат.