Рецепт за плазма трилече: Меки коцки прелиени со карамела
Трилече е колач што е популарен во целиот свет. Ако сте љубител на овој прекрасен деликатес, тогаш ви предлагаме да го пробате и рецептот за плазма трилече со прелив од карамела.
Мекиот колач со омилениот бисквит натопен во млеко, а потоа прелиен и со карамела е едноставно неодолив, а ќе ја разубави секоја трпеза.
Состојки:
За кората:
– 6 јајца
– 150 г шеќер
– 150 г мелена плазма
– 100 г брашно
– 1 прашок за печиво
За преливот:
– 250 мл слатка павлака
– 250 млеко
– 150 мл засладено кондензирано млеко
За карамела:
– 150 г млечни карамели
– 150 мл слатка павлака
– 200 мл засладено кондензирано млеко
Подготовка:
Јајцата со шеќерот изматете ги пенесто, па додадете ја плазмата и просеаното брашно со прашокот за печиво. Сè убаво измешајте, па сипете ја смесата во тепсија што сте ја подмачкале со масло и посипете со брашно.
Печете во загреана рерна на 180 степени околу 25-30 минути. Со чепкалка за заби проверете дали кората е готова. Во сад измешајте ги слатката павлака, млекото и кондензираното млеко и убаво измешајте, па прелијте врз врелата кора. Оставете да се излади.
Во загреаното млеко растопете ги млечните карамели, а потоа додајте го кондензираното млеко и сè убаво соединете. Прелијте го колачот и оставете го во фрижидер да се излади.