Сите сме навикнати на стандардна мусака. Меѓутоа, рецептот што денеска ви го предлагаме е идеално решение за вас од две причини – едноставно и брзо се приготвува, и доколку постите или сакате да јадете здрави оброци без месо.

Во овој рецепт, снегулките од соја го заменуваат меленото месо.

Состојки:

– 2 главици кромид
– 1 морков
– 2 чешниња лук
– 200 грама соја снегулки
– зачински билки
– 100 грама пире од домати
– две кутии инстант пире
– бибер

Подготовка:

1. Сварете ги трошките од соја и исцедете ја водата. Пропржете ги кромидот и морковот, па во тоа додајте соја и зачински билки. На крајот, додајте го пирето од домати.

2. Сварете две пакувања инстант пире според упатството на кутијата. Во тепсијата ставете половина од свареното пире, потоа ставете ја динстаната смеса и одозгора остатокот од пирето, па ставете во рерна да се пече 20 минути на 200 степени.

3. Послужете топло со салата по желба.