Подготвувате мексиканска гозба, а го заборавивте чипсот? Не очајувајте. Ако дома имате тортилји, многу лесно можете да направите и чипс. Доволно е да ја исечете тортилјата на триаголници, да ја испржите на масло, а потоа добро да ја посолите.

Чипсот од тортилја е одличен избор за дружење со пријателите. Од чипсот можете да направите начоси, да ги послужите со салса или со гвакамоле, а одлично ќе одат и со хумус.

Најдобро од сè? За чипсот од тортилја потребни ви се само три состојки и околу 15 минути време. Се подразбира дека вкусот на домашно приготвениот чипс е уште подобар од купечкиот.

Состојки:

– 3-4 тортилји од пченка

– сол по желба

– растително масло за пржење

Подготовка:

Исечете ја тортилјата од пченка на триаголници како да сечете пица.

Во тава загрејте многу масло.

Исечените тортилји ставете ги во маслото и пржете ги од секоја страна околу две до три минути додека не добијат златно-кафеава боја.

Префрлете го чипсот на хартија за впивање маснотија.

Посолете пред сервирање.

Добар апетит!