Реал Мадрид официјално соопшти дека искусниот германски стопер Антонио Рудигер останува на „Сантијаго Бернабеу“, откако двете страни постигнале договор за продолжување на соработката до летото 2027 година.

Претходниот договор на Рудигер истекуваше на крајот од јуни годинава, но раководството на мадридскиот клуб и германскиот репрезентативец успешно ги завршија преговорите и договорија нова едногодишна продолжена соработка.

Триесет и тригодишниот дефанзивец е еден од најважните играчи во составот на „кралскиот клуб“, со кој досега освои бројни трофеи, меѓу кои и Лигата на шампионите и титулата во шпанската Ла Лига.

Минатата сезона Рудигер се соочи со неколку проблеми со повреди, поради што настапи на само 26 натпревари во сите конкуренции, но во Реал очигледно остануваат уверени во неговиот квалитет и искуство.

2️⃣0️⃣2️⃣7️⃣@ToniRuediger pic.twitter.com/RfRAruJSpg

— Real Madrid C.F. 🇬🇧🇺🇸 (@realmadriden) June 16, 2026

ФОТО | ФИФА направи исклучок по барање на Саудиска Арабија и го промени протоколот со знамињата

Првиот човек на бразилскиот фудбал ги одвел и сопругата и љубовницата на Мундијалот, и тоа на државна сметка