Македонските претставници Шкендија и Силекс ги дознаа своите противници во првото квалификациско коло од Конференциската лига на УЕФА.

Тетовска Шкендија, која на ждрепката во Нион имаше статус на носител, за ривал го доби тимот на Европа од Гибралтар. Првиот натпревар ќе го одигра на гостински терен, додека реваншот е закажан во Скопје.

Од друга страна, Силекс се најде меѓу неносителите, а жрепката за противник му го додели белорускиот Динамо Минск. Кратовци првиот дуел ќе го играат на гости, а реваншот пред своја публика.

Првите натпревари од првото квалификациско коло во Конференциската лига се закажани за 9 јули, додека реванш средбите ќе се одиграат на 16 јули.

Еден ирански фудбалер веќе нема право на влез во САД