Карло Анчелоти ги шокираше репрезентативците на Бразил со невообичаен настап на тренингот по ремито со Мароко.

Бразил разочара на стартот од Светското првенство, ремизираше со 1:1 против Мароко, а незадоволството не го сокри селекторот Карло Анчелоти. Иако Италијанецот важи за смирен и сталожен тренер, овојпат, според информации од кампот на Бразил, реагирал многу поостро од вообичаено.

Ден по ремито, Анчелоти на утринскиот тренинг ги собрал играчите и им одржал лекција која долго ќе ја паметат. Во целосна тишина запалил цигара и неколку минути со молчење ги набљудувал репрезентативците.

Потоа следела порака што ја шокирала целата екипа.

„Сега научете како да додадете проклета топка!“ – наводно извикал Анчелоти. Играчите останале без реакција, а нивните изрази на лицата покажале колку се свесни за сопствениот неуспех.

Причината за неговиот гнев била очигледна, грешните додавања и слабата организација на играта против Мароко. Бразил делуваше неповрзано и без јасна идеја, а избегнаа пораз главно благодарение на индивидуалниот квалитет на Винисиус Жуниор.

Бразил сега го очекува натпреварот против Хаити на 20 јуни, а останува да се види дали острата порака на селекторот ќе ги разбуди фаворитите за титулата.