Грузиската полиција разбила ланец за трговија на деца, кој искористувал девојчиња од осум години за производство на порнографија. Уапсени се 11 лица, соопштија денес локалните власти, а пренесе „Блиц.рс“.

Грузија соопшти дека во заедничка операција со Европол, американските и австралиските безбедносни служби е најголема досега во поранешната советска држава.

Меѓу уапсените се и родители на десетина девојчиња, за кои полицијата наведува дека им било плаќано меѓу 170 до 1.000 долари за фотографирање. Освен Грузијци, меѓу уапсените има и американски и австралиски државјани.

– Разбивањето на оваа организација ќе има значајно влијание врз производството и дистрибуцијата на материјалите на кои има експлоатација на деца во Грузија и на меѓународен план – изјави Венди Рикс, припадничка на австралиската федерална полиција за прес-коференција за новинари во Тбилиси.

Во соопштението од грузиското Министерство за внатрешни работи се наведува дека, доколку уапсените бидат прогласени за виновни за трговија на деца, производство и продажба на детска порнографија, се соочуваат со доживотна казна затвор.