Албанскиот премиер Еди Рама на Генералното собрание на ОН во Њујорк, рече дека дојде време сите земји да ја признаат независноста на Косово.

Тој уште еднаш порача дека Косово е независно и дека како такво треба да биде признаено од сите.

– Драга Србијо, независноста на Косово е неповратна реалност – рече Рама.

Премиерот наведе и дека Белград треба да престане „да живее во негирање“.

Рама додаде дека „дојдено е време сите земји членки на ОН, особено и првенствено нашите српски пријатели, да ја признаат независноста на Косово“ и да ја признаат, како што тврди тој, реалноста како единствена сигурна основа за изградба на подобра заедничка иднина.

Тој рече и дека е „важно на Приштина да и се пружи можност да биде дел од сите регионални и меѓународни огранизации, како и во секоја суверена независна држва во светот“.