Женската ракометна репрезентација на Франција ја освои титулата на Светското првенство 2023 кое се одржуваше во три земји: Данска, Норвешка и Шведска.

Денеска во големото финале во данскиот Хернинг најдобрите француски ракометарки со 31:28 ја совладаа Норвешка која ја бранеше титулата од пред две години.

Во финалниот меч најефикасни во победничките редови со по пет голови беа Лена Гранво и Тамара Горачек.

На спротивната страна осум пати во листата на стрелците се запиша Нора Мерк.

Франција по трет пат е светски шампион, претходните две титули ги освои во 2003 и 2017 година. За Норвешка ова е петто сребро, второпласирана беше и на светските шампионати во 1997, 2001, 2007 и 2017 година.

Меѓународната ракометна федерација (ИХФ) го објави „Ол-стар тимот“, за МВП (најкорисен играч) е прогласена Норвежанката Хени Ела Рејстад која само во завршните два меча на Мундијалот постигна само 20 голови.

МВП: Хени Рејстад (Норвешка)
Лево крило: Клои Валентини (Франција)
Лев бек: Естел Нзе Менки
Среден бек: Стине Офтедал (Норвешка)
Пивот: Лин Блом (Шведска)
Десен бек: Луиз Бургаард (Данска)
Десно крило: Натали Хагман (Шведска)
Голман: Лаура Глосе (Франција)
Најдобра млада ракометарка: Виола Лојхтер (Германија)
Најдобар стрелец: Маркета Јерабкова (Чешка) 63 голови

Данска го освои бронзениот медал на Светското ракометно првенство