По три месеци откако во сила влезе Законот со кој недела е неработен ден во Црна Гора во еден шопинг центар дури 80 од вработените добиле отказ, а забележан е пад на прометот од 18 проценти, јавуваат тамошните медиуми.

Од шопинг центарот кој се наоѓа во Подгорица велат дека бројот на луѓе кои ќе останат на улица дополнително ќе се зголеми, со цел оптимизирање на работените места.

Според шопинг центарот, в недела, кога во Црна Гора не се работи, граѓаните на Подгорица одат да пазарат во Скадар, Требиње и Дубровник, каде што бутиците работат и во недела.

Во минатото, и Хрватска на два пати се обиде да го забрани работењето во недела, но Уставниот суд во два наврати ја поништи забраната поради нарушување на слободата на претпријатијата.