Реновирањето на спортската сала „Градски парк“ која е дом на кошаркарскиот клуб Работнички е во завршна фаза. Во моментов се поставува паркетот, а во тек е и доинсталација на семафорите, додека осветлувањето и озвучувањето се веќе финализирани.

Се очекува салата да биде финализирана следната недела, и најголемото македонско кошаркарско дерби меѓу Работнички и МЗТ Скопје да се одигра токму во реновираниот дом на Работнички.

Салата е целосно енергетски ефикасна, со подно греење, современ систем за ладење, греење и проветрување, нови трибини, црвено-бел амбиент во боите на КК „Работнички“, соблекувални, простории за судии, медицинска и допинг-контрола, како и инклузивни тоалети со пристапна рампа. Исто така салата ги исполнува и ФИБА стандардите па во иднина истата може да се користи и за европски натпревари.

Преземено од: Sport.com.mk