Пукотница на универзитетски кампус во Билбао, полицијата уапси осомничен, нема повредени
Властите во северна Шпанија денеска го евакуираа локалниот универзитетски кампус во Леиоа во близина на Билбао и уапсија осомничен, откако било пријавено пукање во близина на кампусот, соопшти полицијата, додавајќи дека никој не е повреден, пренесува Ројтерс.
Портпаролот на полицијата вели дека осомничениот бил млад човек, но не даде повеќе детали.
„Кампусот беше евакуиран во 18:50 часот и лицето беше приведено, но немаше лична штета“, рече портпаролот на регионалната полиција во Баскија.
Неколку локални медиуми објавија дека младиот човек бил вооружен со пушка и дека неговите истрели искршиле неколку прозорци.
H0stia tú. Un tipo con escopeta en el campus de Leioa… De momento parece que no hay herid★s. Impactos en fachadas, cristaleras… https://t.co/12qBeNWJ7E
— Jaxin G. Viniegra #NoEsUnaGuerra (@visualizainfo) October 13, 2021