Првите копачки ја подобрија продажбата на Скечерс
Американскиот производител на патики Skechers објави квартални деловни резултати, кои кога се работи за профитабилноста беа над очекувањата, додека прогнозата за продажба за тековниот квартал беше под пазарните очекувања, анализира СЕЕ.биз.еу.
Во периодот јули-септември компанијата оствари раст на приходите од 7,8 отсто до 2,03 милијарди долари, пред се како резултат на растот на меѓународната продажба од 8,6 отсто, додека домашната продажба е повисока за 6,5 отсто.
Кога станува збор за профитабилноста, заработката по акција скокна за 69,1 отсто на 0,93 долари, надминувајќи ги очекувањата од 0,79 долари.
Во третиот квартал, компанијата влезе и во фудбалската категорија, лансирајќи ги своите први копачки со потпишување повеќегодишен договор со Хари Кејн.
Компанијата оваа недела влезе и во светот на кошарката со лансирање на кошаркарски патики со договори со двајца НБА амбасадори.
За тековниот квартал, компанијата очекува продажба во опсег од 1,91 до 2,01 милијарди долари, што е под консензусната проценка од 2,09 милијарди долари.