Жена на 54-годишна возраст починала во Квебек откако ја примила вакцината против коронавирус на „Астра-Зенека“ и тоа е првиот смртен случај во Канада, изјави денеска премиерот на областа Квебек, Франсоа Лего.

„Тажен сум бидејќи една здрава жена на 54 години почина бидејќи ја прими вакцината“, рекол Лего за новинарите.

Жената, чие име не е соопштено, починала од церебрална тромбоза по примање на вакцината на „Астра-Зенека“, изјави директорот на Институтот за јавно здравје на Квебек, Орасио Арида и додаде дека пациентката примала терапија која не давала резултати.

Арида додаде дека тој смртен случај не треба да ја промени стратегијата на употребата на таа вакцина во Квебек, каде е препорачана на постарите од 45 години.

Канадските власти минатата недела соопштија дека се примени 1,1 милиони дози вакцини на „Астра-Зенека“ во земјата. Досега се пријавени четири случаи на крвни згрутчувања кај пациентите кои ја примиле таа вакцина.

Самиот премиер на Канада, Џастин Трудо минатата недела ја прими првата доза од вакцината на „Астра-Зенека“.

Извор: Бета.рс