Пронајдена прошталната порака на Хитлер: Вака ќе и направам најголема услуга на Германија
Аукциска куќа од Мериленд на аукција ќе стави единствен историски документ кој открива нови детали за животот на Хитлер.
Станува збор за телеграма насловена како „Прошталната порака на Хитлер“, која ја содржи последната порака од нацистичкиот лидер.
Таа му е испратена на Фердинанд Шернер, само неколку дена пред смртта на Адолф Хитлер.
„Ќе останам во Берлин, со чесна намера, во борба за Германија, за да им дадам добар пример на оние кои остануваат. Верувам дека на овој начин ќе и направам најголема услуга на Германија. До вас другите – Секој напор мора да биде вложен во победа на Берлин. Таму можете да помогнете одлучно, со движење кон север колку што е најбргу возможно“, пишува во телеграмата.
Оваа проштална порака на Хитлер ќе се продава на аукција на 30 април и на 1 мај.