По завршувањето на „специјалната операција на Москва“ во Украина, во иднина земјата можеби нема да опстане како суверена држава. На нејзино место веројатно ќе се појават посебни републики со други имиња. Со ваква прогноза излезе политикологот Тимофеј Сергејцев, член на клубот Зиновиев „Русија денес“.

-Не сум сигурен дека некоја земја со такво име ќе остане – Украина, бидејќи републиките на нејзино место, кои најверојатно ќе се појават, можеби нема да сакаат да го користат овој збор, вели рускиот експерт, пренесува РИА Новости.

Тој потсетува дека како што некогаш германскиот народ бил спасен од фашистичката и хитлеристичка идеологија.

-Нацијата доби „сериозна вакцина“, и тоа не целата, туку само оној дел од неа што беше виновен за најтешките злосторства на Третиот Рајх, со еден збор – раководството на земјата, нејзината елита. Денацификацијата е извршена во Германија, треба и најверојатно ќе се изврши во Украина“, смета политикологот.

Инаку, во четвртокот, на 24 февруари, Русија започна воена специјална операција, како што тврдат „за заштита на Луганската и Доњецката република“, при што Москва „се залага за демилитаризација и денацификација на Украина“.