Основното јавно обвинителство Кичево донесе Наредба за спроведување истражна постапка против едно лице од кичевското село Грешница за кое постои основано сомнение дека сторило кривично дело – Неовластено изработување, држење, посредување и тргување со оружје и експлозивни материи.

„Во простории во сопственост на друго лице, а кои ги користел осомничениот, полицијата извршила претрес и пронашла поголемо количество оружје, делови и компоненти од огнено оружје и муниција – три автоматски пушки, 188 куршуми со калибар за автоматска пушка, една ловна пушка и 10 ловни патрони, како и една пушка – двоцевка“, информираат од кичевското Обвинителство.

На осомничениот му е одреден притвор во времетраење од 30 дена поради можност за бегство, повторување на делото или пак можност на осомничениот да влијае на сведоци во постапката.