Принцезата Шарлин веќе некое време не е видена во јавноста, а сега не се појави ниту на настан што никогаш не го пропушта

принцеза шарлин
Фото: ERIC GAILLARD /EPA;

Неодамна монегашкиот владетел принцот Алберт ја замени својата сопруга на настан кој таа го промовира и го работи со години. Нејзиното отсуство ги загрижи луѓето во Монако, кои со години зборуваат за несреќната принцеза на тамошниот двор…

Иако е исклучително посветена, кога станува збор за нејзината работа во својата фондација, поради што секогаш се појавува на настани што го промовираат спортскиот живот меѓу децата и младите, принцезата Шарлин од Монако ги загрижи своите обожаватели кога на 11 мај беше заменета од нејзиниот сопруг, принцот Алберт II од Монако.

epa-efe
EPA-EFE/SEBASTIEN NOGIER

Тој, во име на фондацијата на принцезата Шарлин прими чек од 3.000 евра, што му го врачи Изабел Бонал, генерален комесар за национално образование, млади и спорт на Монако. Таа сума е наменета за основање на рагби школа во далечниот Еквадор.

epa-efe
EPA-EFE/VALERY HACHE

Амбициозниот проект е само еден во низата започнати проекти од принцезата Шарлин, на која ова ѝ е веќе втор пат да не се појави на официјален настан на кој претходно била најавена. Принцот Алберт првпат се појави сам и на 8 мај на „Формула 1“ трката во Монако, придружуван од нивните две деца.

epa-efe
EPA-EFE/Phill Magakoe

Инаку, во последните неколку недели Шарлин изгуби двајца драги пријатели, најпрво кралот на народот Зулу, Гудвил Звелитини, а потоа и неговата сопруга, кралицата Мантфомби Дламини.

Дали причината што принцезата Шарлин не се појавува во јавноста е смртта на нејзините пријатели или е нешто поголемо, засега не е познато. Принцот Алберт тврди дека луѓето немаат причина за загриженост.

Видео на денот