Б.К. (44) од Прилеп денеска е уапсен на граничниот премин „Табановце“ откако, според МВР, измамил сопруг на болна жена од Валандово, земајќи му 88.000 евра за наворно лекување во странство. Жената во меѓувреме починала, велат од полицијата.

„По претходно добиени информации за сторено кривично дело „измама“, Одделот за криминалистичка полиција, во содејство со СВР Струмица – ОВР Валандово, презеде координирани мерки и активности за расчистување на случајот. Според досегашните сознанија, во периодот од јули до ноември 2025 година, осомничениот, со намера да прибави противправна имотна корист, довел во заблуда лице од Валандово, прикажувајќи лажни факти дека ќе помогне во организирање лекување во странство за неговата сопруга. На тој начин, оштетениот во повеќе наврати уплатил вкупно околу 88.300 евра (5.549.200 денари), во меѓувреме, неговата сопруга починала“, велат од МВР.

Во соопштението се додава дека судија во Гевгелија му изрекол „мерка за претпазливост“, од што може да се заклучи дека осомничениот измамник нема да оди во притвор.