НБА лигата во Дизни Ворлд во Орландо направи вистински „град“ пред продолжението на сезоната која е прекината во март поради пандемијата на коронавирусот. Станува збор за затворен комплекс во кој освен 22. НБА екипи и нивниот персонал нема пристап, а натпреварите ќе се играат во две сали.

– Неверојатно е во каков проект влезе НБА и како тоа го спроведува. Ова за сите нас е неверојатно искуство. Станува збор за мегапроект кој НБА лигата ја чини дури 1.5 милиони долари – вели помошниот тренер на Мемфис гризлис, Невен Спахија, за „Вечерњи лист“.

Со самото влегување во комплексот секој играч и член на стручниот штаб мораше да помине во тродневен карантин, храната им беше доставувана до вратата на нивните соби, а потоа откако ќе завршеше карантинот сите добиваа јасни инструкции за правилата за однесување и обврски. Секој што се наоѓа во комплексот во Дизни Ворлд, доби електронска ракавица.
– За да може да се оди на тренинг, на ручек или тимски состанок, мора на посебна апликација да се измери температурата и да се наведат симптоми доколку ги има и дури потоа може да се излезе од собата. Потоа сите добиваат посебна електронска ракавица која претставува еден вид на акредитација. Исто така постои и паметен прстен, но тој не задолжителен. Прстенот ги следи сите ваши активности, го мери дури и вашиот пулс – вели Спахија кој додава дека сите се придржуваат кон пропишаните правила.

– Сите се придржуваат за правилата за физичка дистанца како и кога ќе се сретнат со некого нема долго задржување. Постојат кошаркари кои сметаат дека им е потребна дополнителна заштита и носат маски, капи. Напуштањето на комплексот е забрането – додава Спахија.