Неколку авиони што беа на пат кон Обединетите Арапски Емирати беа пренасочени кон Оман, додека други кружеа над Саудиска Арабија, според услугата за следење на летови Флајтрадар24.

Причината се нападите поврзани со Иран, кои предизвикаа големи прекини во воздушниот сообраќај.

Прекинот се случи откако властите на Обединетите Арапски Емирати објавија дека нивната воздушна одбрана е ефикасна против закани од ракети и беспилотни летала. Во меѓувреме, големо нафтено пристаниште во Фуџаира, важен центар за нафтовод што се користи за заобиколување на Ормутскиот теснец, беше зафатено од пожар, а пожарот, според достапните информации, е предизвикан од напад со беспилотни летала.

Министерството за одбрана на Обединетите Арапски Емирати претходно објави на социјалната мрежа„Икс“ дека три ирански ракети биле пресретнати над територијалните води, додека четвртата паднала во морето.

Од друга страна, иранските државни медиуми, повикувајќи се на висок воен функционер, тврдат дека Иран немал планови да ги нападне Обединетите Арапски Емирати.

Жителите на Дубаи се повикани во засолништа поради ракетна закана

Си-ен-ен: Директен судир меѓу САД и Иран, уништени се бродови на иранската морнарица