Гужвите за празниците веќе започнаа, покажуваат податоците на МВР од изминатиов викенд, ки велат дека на граничниот премин Табановце викендов во Македонија влегле над 36 илјади македонски државјани.

Поради подолгиот прекин на работата во западните земји за Божиќ и Нова година, секоја година во земјава околу овие празници се враќаат голем број луѓе кои работат во странство.

– На граничниот премин Табановце од 20.12.2025 (петок) од 10 часот до 22.12.2025 (понеделник) до 10 часот влез во државата оствариле 36.316 македонски државјани, а излез оствариле 6.892 македонски државјани. Што се однесува до странските државјани во истиот период влез во нашата држава оствариле 16.084 лица а 7.720 лица ја напуштиле нашата држава – соопштија од МВР.

Од МВР велат дека ги преземаат сите мерки и во функција се ставени сите човечки и технички капацитети за да се забрза протокот на патници, со спроведување на задолжителните гранични проверки.