Влегуваме во денови кои знаат да бидат многу стресни, па и за паровите. Купување подароци, посети кај роднини, чистење, готвење, забави… списокот никогаш не завршува.

Не е чудо што многу парови воопшто немаат време, ниту волја и енергија, да ги разубават празниците со интимност. Но, кога веќе влегуваме во период на дарување, вреди да си подарите барем малку време за милување, нежност и страст. Еве неколку совети кои ќе ви помогнат да бидете поприсутни еден за друг, пишува „Сенса“.

Опуштете се со шолја варено вино

Или со кој било друг пијалок што го сакате за посебни прилики. Тешко е да се опуштите и барем накратко да се оддалечите од хаосот и стресот што ги носат празничните подготовки, но токму опуштеноста е клучна ако сакате да влезете во расположение за интимност – особено кај жените. Подгответе романтична вечера или доцновечерен празничен пикник по враќањето од семејна прослава, и почестете се со вкусен ликер, топол пунч или варено вино. Алкохолот може да ги намали внатрешните блокади, што често помага кога станува збор за секс. Но имајте мера – целта е само да се загреете и да се опуштите, а не да се опијаните, бидејќи тогаш ефектот ќе биде спротивен.

Подари му ја на партнерот неговата фантазија

Празниците се идеално време да си подарите нешто поинтимно – фантазија по која копнеете. Ако не сте навикнати да зборувате за најдлабоките сексуални желби, можеби ќе ви биде чудно, но со малку доверба и отвореност ќе дојдете до тоа да се чувствувате доволно блиски за да ги споделите најскриените мисли. Многу парови фантазираат не пред, туку за време на секс – и тоа е сосема нормално. Нека фантазиите станат реалност. Ако ви е полесно, напишете ги на хартија неколку ваши омилени фантазии и одберете која ќе му ја исполните еден на друг. Но секогаш имајте на ум дека сексот треба да биде уживање – не правете нешто што ви создава непријатност.

Внесете празнична игра со тематска долна облека

Долна облека со празнични бои и мотиви може да биде одличен поттик да се опуштите и да ја разгорите атмосферата во спалната соба. Изберете нешто во што се чувствувате самоуверено и привлечно – ова е игра и заведување во едно. Ако сакате, додадете и капче од Дедо Мраз. Целта е да создадете еротична, но и опуштена атмосфера, а малку хумор секогаш помага.

Милувајте се во светлина од свеќи

Нема ништо поубаво од водење љубов пред каминот во студена зимска ноќ, но бидејќи повеќето дома немаат камин, неколку свеќи ќе создадат исто толку волшебен амбиент. Доволно е да постелите меко ќебе, да се прегрнете и полека да се препуштите еден на друг. И најважно – исклучете ги телефоните. Тие можат целосно да ја прекинат интимата. Утре одговорете на повиците; оваа вечер нека биде само ваша.

Вечерата е вовед во интимноста

Интимноста почнува многу пред да се соблечете. Романтична празнична вечера ќе ве поврзе преку разговор, но и преку храната. Стручњаците често ги препорачуваат остригите, познати како афродизијак, но вистината е дека и вашите омилени јадења, придружени со убав разговор, се доволни за да ве внесат во расположение за љубов.