Познатиот српски пејач Предраг Живковиќ Тозовац го кажа судбоносното „да“ на 84 годишна возраст. Како што пренесуваат српските медиуми, Тозовац и Мима решиле да се венчаат на последниот ден од 2020 година.

Пејачот стапил во брак во четвртокот на 31 декември, со својата сакана Емилија Мима. Тие се решиле да ја официјализираат својата врска по 40 години љубов и заеднички живот. На церемонијата присуствувале само неколку луѓе, со интимна прослава.

„Мојата жена, можам да кажам мојата жена и со право велам жена затоа што е вистинска жена и затоа што со неа поминав скоро половина од мојот живот. Таа е многу трпелива, добра мајка, добар пријател, има и внука, па затоа е и добра бабичка. Но, пред сè, таа ми е вистински пријател и најголема поддршка во мојот живот. Јас сум Водолија, а таа не може сама…“, одамна изјави Тозовац за „Блиц“.

„Мима е мојата вистинска љубов и мојот избор. Нашата врска е повеќе од љубов. Љубовта би ја опишал како краткотрајна болест. Ние сме во најдобрата фаза затоа што станавме пријатели кои не можат еден без друг. Љубовта нема никаква врска со годините“, изјави пејачот.