Повеќе од 2.000 хектари изгореа денеска за само неколку часа на шпанскиот остров Ла Палма, кој е дел од Канарските острови поради што се евакуирани околу 2.500 жители, објави Индекс.хр, пренесувајќи соопштение од тамошните власти.

Пожарот избувнал денеска изутрина во шумското подрачје на северот на островот и огнот уништи најмалку 12 куќи. Според локалните власти, за среќа никој не е повреден.

Со огнената стихија се борат околу 300 пожарникари со помош од воздух, а очекуваат и два хидроавиони.