18 C
Скопје

Повторно сѐ се затвора во Грција

Полицискиот час е продолжен и одново ќе биде од 21, наместо од 22 часот и ќе трае до 5 часот наутро.

Од утре, недела 3 јануари во 6 часот наутро, до 6 часот наутро во понеделник на 11 декември, повторно остануваме дома, бидејќи се одложува работата на сите активности и услуги што постепено беа дозволени пред Божиќ, соопшти претпладнево портпаролот на грчката Влада Стелиос Пецас и истакна дека целата на превентивните мерки е подобрување на епидемиолошката слика во земјата за од 11 јануари да се отворат училиштата, јави дописничката на МИА од Атина.

Поконкретно, повторно се затвораат фризерските салони и берберниците, салоните за нега на нокти, центрите за технички преглед на возила, книжарниците и прекинува да функционира услугата  „click away”, односно подигање нарачка од продавниците, што практично значи дека Грција повторно се враќа на целосен карантин.

Прочитајте и...  ФОТО I Ден на жалост во Загреб: Погребан Милан Бандиќ

Полицискиот час е продолжен и одново ќе биде од 21, наместо од 22 часот и ќе трае до 5 часот наутро.

-Овие неколку дена остануваме дома и на 11 јануари се враќаме на денешната состојба и со отворени училишта. Развојот на епидемиолошките податоци ќе биде главен критериум за дополнителното, постепено отпочнување на економската и општествената активност. И секако, секогаш, во согласност со мерките за заштита согласно околностите, истакна Пецас.

Портпаролот на грчката Влада рече дека епидемиолошката слика во земјата е подобрена, но и понатаму е голем бројот на нови случаи, националниот систем сѐ уште е под притисок, а околу 2.500 граѓани Божиќ го помина хоспитализирани, а над 400 лица се приклучени на апарати на Одделите за интензивна нега.

Прочитајте и...  Претпладнево состанок на Комисијата на епидемиолози: Грција веројатно пред нови рестрикции

Грчки владини извори брифираат дека воведувањето построги мерки за периодот 3 до 10 јануари е по одлука на премиерот Кирјакос Мицотакис од превентивни причини, за да можат на 11 јануари да се отворат сите училишта.

Заедно со училиштата одново ќе функционираат бизнисите што беа отворени пред празниците, а по 11 јануари неделните литургии во црквите ќе бидат отворени за верниците.

Според истите информации, на крајот од втората седмица на јануари, одново ќе се оцени епидемиолошката состојба во земјата и Владата ќе излезе со нови соопштенија за останатите сектори на општествената и економската активност.

Од 7 ноември 2020 година, Грција е во карантин, што на два пати беше продолжен и требаше да трае до 7 јануари.

Прочитајте и...  ВИДЕО: Најкрвавиот ден во Мјанмар до сега: Убиени 33 демонстранти, пламени јазици се шират по улиците

Паралелно беше воведен и полициски час првично од 21 часот, а потоа скратен од 22 часот, додека пак непосредно пред божиќните празници беа отворени фризерските салони и берберниците, салоните за нега на нокти, центрите за технички преглед на возила, книжарниците и беше воведена услугата  „click away”, односно подигање нарачка од продавниците, по претходно направена нарачка преку интернет или телефонски.

Од почетокот на пандемијата во Грција се регистрирани вкупно 139.447 случаи на Ковид-19, а починаа 4.881 лица

Поврзани вести

ВИДЕО: Најкрвавиот ден во Мјанмар до сега: Убиени 33 демонстранти, пламени јазици се шират по улиците

И.И.

За француското месечно списание ГЕО, Македонија е „непозната земја на Балканот“

Слободен печат

Се попишуваат иселениците и бездомниците, се бараат уште попишувачи

Весна Тодоровска

Истражување во Турција: Вакцината на „Синовак“ ефикасна 83,5 отсто

Слободен печат

Во Грција до 16 март воведено поголемо ограничување на движењата

Слободен печат

Притвор од 30 дена за жител на Брвеница кај кого беа пронајдени неколку кеси марихуана

Слободен печат

Остави Коментар