Повторно протести на улиците на Минск, полицијата приведе жени и новинари (ФОТО)
Илјадници луѓе се собраа вчера на улиците на Минск, а полицијата приведе десетици демонстранти.
Препорачано
-
1
-
2
-
3
Телевизијата Белсат јави дека најмалку 10.000 демонстранти учествуваа на Маршот на жените во Минск. Тие побараа ослободување на затворената лидерка на опозицијата, Марија Колесникова и го повикаа претседателот Александар Лукашенко да се повлече од функцијата.
Кога учесниците на Маршот стигнаа до плоштадот Слобода, безбедносните сили започнаа да ги туркаат назад, да апсат жени и да ги внесуваат во возила.
Виасна, група за човекови права во Минск, објави дека најмалку 69 жени биле приведени во текот на денот.
Белсат, сателитски телевизиски канал со седиште во Полска и насочен кон Белорусите, соопшти дека меѓу уапсените се и две нивни, кои носеле елеци, идентификувајќи се како членови на печатот. Полицијата ги запленила нивниот фотоапарат и телефони.
