Повеќе од третина од Шпанците само си ги покриваат трошоците
Повеќе од една третина од Шпанците успеваат само да ги покријат трошоците Истражувањето спроведено на 2.000 испитаници во Шпанија, покажува дека 36,4 отсто од испитаниците успеваат да ги покријат само своите трошоци, пишува Eл паис, пренесува Каматица.
Како што е наведено, 41,3 отсто од испитаниците рекле дека успеваат да заштедат по малку секој месец, додека 10,3 отсто рекле дека морале да ги искористат своите заштеди за покривање на трошоците; 5,9 отсто дека бил принуден да се задолжува. Анкетата е спроведена од 23 до 26 февруари. Во тој месец, цените во Шпанија се зголемија за 6,1 отсто во споредба со јануари, што е најголем месечен пораст на февруарската инфлација во последните 45 години, пишува весникот.
Инфлацијата, инаку, останува суштински проблем за домаќинствата, владите и инвеститорите, а организацијата на потрошувачи проценува дека дополнителниот годишен трошок на просечното семејство е 860 евра. Кредитите исто така се поскапи, па просечната сума на заемот во Шпанија се зголеми од 546,8 евра месечно на 813,8 евра.