Потресна приказна: Ми останаа само неколку дена пред да умрам, ве молам помогнете жена ми и ќерка ми да имаат за живот
Знаејќи дека има само уште неколку денови од животот, Џеф Мекнајт, 36-годишен молекуларен биолог од Универзитетот во Орегон, на платформата GoFundMe отворил сметка за собирање донации за неговата сопруга и за ќерката. Неколку дена после тоа починал.
Confirmed. Doc said maybe a week or so left. In ER for comfort care. Thank you all for battling with me.
— McKnight Lab (@McKnightLab_UO) October 2, 2020
„Умирам од лимфом. Мојата сопруга Лаура цело ова време беше херој. Наскоро ќе ги изгуби двете примања – моето и нејзиното, бидејќи управува и истражува во лабораторијата која заедно ја делевме. Моето животно осигурување е многу мало бидејќи сум член на академската заедница и скоро немаме никаква заштеда. Ве молам, размислете за тоа да ја поддржите мојата сопруга во времето кога мене веќе ќе ме нема“, напиша Џеф Мекнајт во склоп на кампањата GoFundMe, на сметката што ја отворил непосредно пред неговата смрт за луѓето да ги замоли финансиски да го помогнат неговото семејство.
Мекнајт сакал да направи сѐ што може за неговата сопруга и 8-годишната ќеркичка Кетрин да бидат згрижени. Знаејќи дека му преостануваат само неколку дена од животот, на страницата го споделил својот најголем страв – Дека неговата ќерка и сопругата нема да имаат доволно пари за живот по неговата смрт.
Сметката за неговото семејство ја споделил и на Твитер.
„Докторот ми рече дека ми останува може една недела или малку повеќе. Ви благодарам на сите што ме поддржувавте, сега се грижам на семејството да му обезбедам сигурност.“
Мекнајт почина на 4 октомври, а од почетокот на кампањата, 1 октомври до 25 октомври на неговата сметка на GoFundMe се собрани околу 418.000 долари.
Неговата сопруга била шокирана од тоа со колку љубов Џеф го испланирал нивниот живот по неговата смрт.
„Не знаев за кампањата на GoFundMe додека не видов дека тоа го објавил на Твитер. Многу плачев. Се чувствуваше подобро поради тоа што го направи за да се погрижи за нас, но мене ме скрши кога видов колку е загрижен кога сфати дека сигурно ќе умре“, раскажа Лаура.
Таа ја води неговата истражувачка лабораторија, но како што вели, нејзиниот сопруг се погрижил по неговата смрт да ѝ се отворат и други можности.
„Неодамна дознав дека контактирал неколку други научници за можноста да најдам работа кај нив кога ќе бидам подготвена“, вели Лаура.
„Бескрајно сум му благодарна, но не сум изненадена, бидејќи тој едноставно беше таква личност. Многу ме боли кога размислувам за тоа бидејќи тоа покажува колку многу изгубив со неговото заминување., рече Лаура.